Emin Aslan 30 sutka cəza aldı

Emin Aslan 30 sutka cəza aldı

05-06-2018 18:58 / Bu xəbər 1320 dəfə oxundu

Hüquqşünas polisə tabe olmamaqda günahlandırılır

Hüquqşünas Emin Aslan İnzibati Xətalar Məcəlləsinin 535.1-ci maddəsi ilə 30 sutka azadlıqdan məhrum edilib. 

O, polisin qanuni əmrinə tabe olmamaqda təqsirləndirilir.

Bu barədə vəkil Elçin Sadıqov məlumat yayıb.

Emin Aslan iyunun 4-də saat 17 radələrində "Park-Bulvar”ın qarşısından naməlum istiqamətə aparılıb. 

Yaxınlarının sözlərinə görə, onu 3 mülki şəxs "90 XG 017” nömrə nişanlı avtomobilə mindiriblər.

Hadisədən 30 dəqiqə sonra yaxınları Daxili İşlər Nazirliyinin 102 xidmətinə məlumat veriblər.

Emin Aslan ABŞ-ın Syracuse Universitetinin hüquq fakültəsinin məzunudur. 

Həbsindən bir neçə gün öncə Bakıya qayıdıb.