Amaliya Pənahova vəfat edib

Amaliya Pənahova vəfat edib

08-11-2018 15:59 / Bu xəbər 1482 dəfə oxundu

Aktrisa, keçmiş deputat Amaliya Pənahova noyabrın 8-də, 73 yaşında vəfat edib.

Ölümün səbəbi, hələlik, açıqlanmayıb.

A.Pənahova 1945-ci il iyunun 15-də Gəncə şəhərində anadan olub.

O, 1966-cı ildə M.A.Əliyev adına Azərbaycan Dövlət Teatr İnstitutunun Dram və kino aktyorluğu ixtisasını bitirib.

Bir çox teatr tamaşalarında və kino filmlərdə rol alıb.

Ona 1974-cü ildə Respublikanın əməkdar artisti, 1985-ci ildə isə Azərbaycan SSR-in Xalq artisti fəxri adı verilib.

O, 1992-ci ildə Bakı Bələdiyyə Teatrını yaratmışdı. 

2000-2005-ci illərdə Milli Məclisin deputatı olub.